पाटला काश्मरी चेति दशमूलमिहोच्यते । दशमूलानि कुर्वीत भागैः पञ्चपलैः पृथक् ।।७८।।

पञ्चविंशत्यलं कुर्याच्चित्रकं पौष्करं तथा । कुर्याद्विशत्पलं लोघ्रं गुडूची तत्समा भवेत् ।।७९।। 

पलैः षोडशभिर्धात्री रविसंख्यैर्दुरालभा । खदिरो बीजसारञ्च पथ्या चेति पृथक्पलैः ।।८०।।

अष्टभिर्गणितैः कुष्ठं मञ्जिष्ठा देवदारु च । विडङ्गं मधुकं भाङ्गीं कपित्योऽक्षः पुनर्नवा ।।८१।

चव्यं मांसी प्रियङ्गुश्च सारिवा कृष्णजीरकम् । त्रिवृता रेणुकं रास्ना पिप्पली क्रमुकः शठी ।।८२।।

हरिद्रा शतपुष्या च पद्मकं नागकेशरम् । मुस्तमिन्द्रयवः शुण्ठी जीवकर्षभकौ तथा ।।८३।।

मेदा चान्या महामेदा काकोल्यौ ऋद्धिवृद्धिके । कुर्यात्पृथग्विपलिकान्यचेदष्टगुणे जले ।।८४।।

चतुर्थांशं शृतं नीत्वा मृद्भाण्डे संनिधापयेत् । ततः पष्टिपलां द्राक्षां पचेन्नीरे चतुर्गुणे ।।८५।।

त्रिपादशेषं शीतं च पूर्वकाथे शृतं क्षिपेत् । द्वात्रिंशत्पलिकं क्षौद्रं दद्याद्गुडचतुः शतम् ।।८६।।

त्रिंशत्पलानि घातक्याः कङ्कोलं जलचन्दनम् । जातीफलं लवङ्ग च त्वगेलापत्रकेशरम् ।।८७।।

पिप्पली चेति संचूर्ण्य भागैर्द्विपलिकैः पृथक् । शाणमात्रां च कस्तूरीं सर्वमेकत्र निक्षिपेत् ।।८८।।

भूमौ निखातयेद्भाण्डं ततो जातरसं पिबेत् । कतकस्य फलं क्षिप्त्वा रसं निर्मलतां नयेत् ।।८९।। 

प्रहणीमरुचिं श्वासं कासं गुल्मं भगन्दरम् । वातव्याधिं क्षयं छर्दि पाण्डुरोगं च कामलाम् ।।९०।।

कुष्ठान्यर्शासि मेहांश्च मन्दाग्निमुदराणि च । शर्करामश्मरीं मूत्रकृच्छ्रे घातुक्षयं जयेत् ।।११।। 

कृशानां पुष्टिजननो वन्थ्यानां गर्भदः परः । अरिष्टो दशमूलाख्यस्तेजः शुक्रबलप्रदः ।।१२।।