अश्वगन्धा पलशतं तदर्ध गोक्षुरस्य च । शतावरी विदारी च शालपर्णी वला तथा ॥१४५॥

अश्वत्थस्य च शुङ्गानि पद्मवीजं पुनर्नवा ।काश्मरीफलमेतं तु माषबीजं तथैव च ॥१४६॥

पृथग् दशपलान् भागांश्चतुद्रोंणेऽम्भसः पचेत् । चतुर्भागावशेषन्तु कषायमवतारयेत् ॥१४७॥

मृद्वीका पद्मकं कुष्ठं पिप्पली रक्तचन्दनम् । बालकं नागपुष्पञ्च आत्मगुप्ताफलं तथा ॥१४८॥

नीलोत्पलं शारिवे द्वे जीवनीयं विशेषतः । पृथक् कर्षसमं चैव शर्करायाः पलद्वयम् ॥१४९॥

रसस्य पौण्डूकेक्षणामाढकं तत्र दापयेत् । चतुर्गुणेन पयसा घृतप्रस्थं विपाचयेत् ॥१५०॥

रक्तपित्तं क्षतक्षीणं कामलां वातशोणितम् ।हलीमकं तथा शोधं स्वरभेदं बलक्षयम् ॥१५१॥

अरोचकं मूत्रकृच्छ्रे पार्श्वशूलं च नाशयेत् । एतद्राज्ञां प्रयोक्तव्यं बह्वन्तःपुरचारिणाम् ॥१५२॥

स्त्रीणाञ्चैवानपत्यानां दुर्बलानां च देहिनाम् । क्लीबानामल्पशुक्राणां जीर्णानामल्परेतसाम् ॥१५३॥

श्रेष्ठं बलकरं हृद्यं वृष्यं पेयं रसायनम् । ओजस्तेजस्करं चैव आयुः प्राणविवर्द्धनम् ॥१५४॥

संवर्द्धयति शुक्रं च पुरुषं दुर्बलेन्द्रियम् । सर्वरोगविनिर्मुक्तस्तोयसिक्तो तथा द्रुमः । कामदेव इति ख्यातः सर्वर्त्तषु च शस्यते ॥१५५॥

(Bhaishajya Ratnavali / Raktapittadhikara / Shlok 145–155)