मञ्जिष्ठामुस्तकुटजगुडूचीकुष्ठनागरैः ।।१३७।।

भार्डी क्षुद्रावचानिम्बनिशाद्वयफलत्रिकैः । पटोलकटुकीमूर्वाविडङ्गासनचित्रकैः ।।१३८ ।।

शतावरीत्रायमाणाकृष्णेन्द्रयववासकैः । भृङ्गराजमहादारुपाठाखदिरचन्दनैः ।। १३९।।

त्रिवृद्वरुणकैरातबाकुचीकृतमालकैः । शाखोटकमहानिम्बकरञ्जातिविषाजलैः ।।१४०।।

इन्द्रवारुणिकानन्तासारिवापर्पटैः समैः । एभिः कृतं पिबेत्क्वाथं कणागुग्गुलुसंयुतम् ।। १४१।।

अष्टादशसु कुष्ठेषु वातरक्तार्दिते तथा । उपदंशे श्लीपदे च प्रसुप्तौ पक्षघातके ।।१४२।।

मेदोदोषे नेत्ररोगे मञ्जिष्ठादिः प्रशस्यते ।

(Sharangdhar Samhita / Madhyamkhand / Shlok 137–142)